KABANATA 1 :: Ang Pagsisimula

Tak! Taka! Takataka! Click! Tak! Tak! Tak! Takataka! Tak!
Sa bawat gabi nalang sa buhay si Bobby eto nalang ang maririnig sa kanyang kwarto. Ito ang tunog ng kanyang kompyuter. Gabi-gabi siyang nagchat sa internet upang makahanap ng lalaki na maaring magmahal sa kanya. Ngunit lagi siyang bigo …

Si Bobby ay isang bakla, binababae, badaf. Lahat na maaring itawag sa isang lalake na gustong makipag-relation sa isang lalake. Simula nung maliit palang siya alam na niya na kakaiba siya. Di tulad ng mga ibang batang lalake na mahilig sa baril-barilan, namulat si Bobby na manyika ang hawak. Eto naman ay tanggap ng kanyang ina. Bata pa lamang siya ay naulila na siya sa Ama. Silang dalawa lang ng kanyang ina ang naging magkatuwang sa buhay. Ngunit iba sa mga bakla si Bobby, Siya ay lumaki ng MALAKI. Mataba si Bobby. Lahat na ata ng panlalait sa kanya ay narinig na niya. Baboy, Lumba-lumba, aparador at kung ano ano pang masasakit na salita. Lumaki siyang nagiisa. Kahit nandyan ang kanyang ina di maitatago ang lubos na hinanakit ni Bobby. Sa kabuuan di naman kasamaan ang itsura ni Bobby. Matangkad siya. Maputi at matangos ang ilong. Madami nga ang nagsasabi na hawig daw niya si Nino Muhlach. Binuhos niya sa pagkain ang mga hinanakit niya sa buhay. Ito lamang ang nagpapaligaya sa kanya.

Ting! “hello ctc? What’s ur ASL” lumabas sa monitor ng kanyang kompyuter.
“Uy, may nag message sa kin.” Kilig na isip ni Bobby.
“ 22 m qc” Sagot niya.
Ting! “Oic, I’m 23 m qc” Ang sagot ng lalaki sa kabilang linya.
Ting! “What’s ur Stats?” Binasa ni Bobby.
“Naku, Patay! Paano ba ito. Magsisinungaling ba aketch?” Kagat labing inisip ni bobby
Takatak tak tak! “I’m 5”8’ 150lbs White complexion. Good Looking!” ang pagsisinungaling na sagot ni Bobby. “Bahala na!” ang nasa isip isip ni Bobby.
Ting! “Same here! So how are you?” sagot ng kachat niya.
“Ok naman, Kakasara ko lang ng bakery namin. Medyo pagod …” Ani Bobby
Ting! “ Ah ganon ba? Sana andyan ako para mapawi ang pagod mo. Magaling ako magmasahe!” Sagot ng kachat nya.
“Am Potah!” kilig na kilig na si Bobby “Ah Ganon ba? Oo nga e sana andito ka!” Sagot ni Bobby.
Ting! “Btw. My Picture ka ba?” nagflash sa screen.
“Hmmm, wala e pero I assure you na guapo ko” Ani Bobby, habang kumakain ng kanyang paboritong chicharon.
Ting! “Ah ganon ba, Sayang!” ani ng kausap.”Ok ang nick mo ah! Babe69. hehehe”
“Salamat, Paborito ko kc ung pelikula ng babe. E ikaw me picture ka ba online?” tanung ni Bobby.
Ting! “Meron, http://www.pictureworld.com/hunk4u.jpeg” sagot ng kausap na lalaki

Dali-daliang pinindot ni Bobby ang nasa monitor. Nakita niya ang picture ng kausap. Halos maglalag ang panty este brief ni Bobby. Lumabas ang larawan ng kausap sa internet sa monitor nito. Nakita niya ang napaka-kisig na lalaki. Nakatanggal ang pang itaas na damit nito. Meron itong mga malalaking kalamnan na pede iuntog ang ulo mo at ikaw ay mahihilo. Maputi ang kulay ng lalaki. Napaka amo ng mukha. Sa biglang tingin ay nahahawig nga ito ke Piolo Pascual. Sa Sobrang tuwa ni Bobby ay natapon ang suka sa kanyang damit.

“Ay lintek!” Napasigaw na sabi ni Bobby. Ngunit napawi agad ang kanyang inis ng Makita muli ang nasa kanyang monitor. “Hay… ang guapo naman nito!” nakakangangang tingin ni Bobby. Ngunit naisip ni Bobby ang kanyang pangsisinungaling.

Ting! “Have you seen my pic?” ang lumabas sa kanyang monitor.
Nagmamadaling nagtayp si Bobby sa keyboard ng kanyang kompyuter.
“Yup, you look ok” pagkukunwaring sagot ni Bobby, pero sa isip isip nito “kung alam mo lang! hahaha”
“Ok lang? hehehe kala ko pa naman sasabihin mo na sobrang guapo ko.” Ani ng kausap.
“Yabang! Well let’s see!” Sagot ni Bobby
“Btw, I’m Matt … short for Matthew!” sagot ng lalaking kausap.
“I’m Bobby” pagmamadaling tayp ni Bobby
“Bobby, gusto ko pa sana magtagal pero handa na hapunan naming e. Can I get your Number?” Tanung ni Matt
“O sure, 09179351278.” Sagot ni Bobby
“Mine is 09189805560. Save it ok?” Sagot ni Matt
“Syempre, Save ko!” Ani Bobby
“Ok, Gotta Go!” Sabi ni Matt
Ting! Matt is now Logged Off!

Parang nasa langit si Bobby nung gabing yun. Ngunit di complete ang kanyang kaligayahan dahil alam niya na nagsinungaling siya. Bago matapos ang gabi tumunog ang kanyang cellphone.

Halos magkanda dapa si Bobby sa pagkuha ng kanyang cellphone. Nakasulat sa kanyang cellphone “Kumain ka na ba? Ako tapos na. I just want to say gud nyt! :D” Dali-dali nagpipindot sa cellphone niya si Bobby. “Yup, Kanina pa. Gud Nyt! Din Muah!”. Parang bibeng di mapaitlog si Bobby sa tuwa.

Naging maganda ang naging takbo ng mga araw ni Bobby. Tuwing umaga ay tinetext siya ni Matt ng magandang umaga. Minsan kinakamusta ang kanyang araw. Nabuhay si Bobby sa kasinungalingan sa mga ilang linggo. Hanggang isang araw, nakakuha siya ng text mula kay Matt “Hey Bobby, Meet naman tayo. Nandito ako ngayon sa Mall”. Nataranta si Bobby. Matagal na niyang iniiwasan na di sila magkita ni Matt. Nahulog na ang loob niya sa lalaki na di pa niya nakikita ng harap harapan. Ang lalaki na nagbibigay ng kulay sa kanyang buhay. Alam ni Bobby na din a niya maiiwasan ang hiling ng lalaki. Huminga siya ng malalim at alam na niya na kailangan na niya harapin si Matt.

“Matt, Sige I’ll be there around 4 pm” Sagot ni Bobby.

Nag-ligo na si Bobby at sinuot niya ang kanyang paboritong itim na polo. Humarap siya sa salamin at sabay buntong hininga ng “Good Luck! Bobby kaya mo yan”. Nagpaalam na si Bobby sa kanyang ina. Lumakad siya hanggang kanto at duon ay pumara ng Taxi. Di na nag jeep si Bobby dahil sa kahihiyan. Alam niya na 2 ang pagbabayarin sa kanya Jeep kaya taxi nalang ang kanyang sinasakyan. Hirap na bumaba sa tapat ng Mall si Bobby. Tinext niya si Matt.

“Hi Matt, Wer na U? D2 na me” Text ni Bobby
Ilang sandali pa ay tumunog na ang cellphone niya, si Matt tinatawagan siya.
“Hello Bobby, I’m inside the mall. I just need to pick up something. Let’s meet at the coffee shop at the lobby” Mabilis na sagot ni Matt.
“Ok. See You.” Ang tanging nasabi ni Bobby.

Pabilis ng pabilis ang kabog ng dibdib ni Bobby. “Naku pano ba to? Bakla ka kc kung ano ano pa ang pinagsasabi mo.” Inis na kinakausap ni Bobby ang sarili.

Di muna siya pumasok ng Coffee shop. Nagikot-ikot muna siya ng mall para mawala ng kaunti ang kanyang kaba. Hanggang sa nagkalakas na siya ng loob. Nagpunta na siya sa coffee shop. Sinabi sa kanya ni Matt na naka polo shirt siya na kulay blue. Sa labas palang ng coffee shop ay natanaw na ni Bobby si Matt. Ang lalaki na kanyang pangarap. Nakaupo duon. Katulad na katulad nga siya ng nasa litrato nito sa internet. Habang papalapit ng palapit si Bobby parang hinuhugot siya ng lupa. Nanlalambot ang kanyang tuhod. Tagaktak na ang pawis niya.

“Hello Matt …” Mahinang sabi ni Bobby.
Makikita ang pagtataka sa mukha ni Matt.
“Hi … and you are?” ani Matt.
“I’m Bobby” Pangiting sagot ni Bobby.
“What?!?!” Bulalas ni Matt.
Napatingin ang mga tao sa paligid dahil medyo napalakas ang sagot ni Matt.
“You know what! I hate liars! And guess what you’re one of them. Fat Fag!” Inis na sabi ni Matt. Dali dalian umalis si Matt.
“MATT!! WAIT!!” pigil ni Bobby

Napakabilis ng mga pangyayari. Gusto pa sana pigilan ni Bobby si Matt. Ngunit bigla nalang nanikip ang kanyang dibdib. Di alam ni Bobby na sa kanyang kalakihan ay nagkasakit nap ala siya sa puso. Hindi makahinga si Bobby. Sobrang sakit ng kanyang dibdib. Di niya alam kung sakit ito ng kanya nararamdaman para kay Matt o sakit ng puso. Bigla nalang bumulagta sa coffee shop si Bobby.

Namalayan ni Bobby na binubuhat na siya papasok ng Emergency Van. Parang panaginip lahat ng mga pangyayari. Nagkakagulo ang mga tao sa Hospital. Di parin makahinga si Bobby. Isang malalim na hinga.

Dahan Dahan Pumikit si Bobby.

KRRRRRRRRRRRRRAAAAAAAACCCCCCCCKKKKK!!!!! KZZZZZZZZZIIIIITTTTTT!!!
Isang maliwanag na ilaw na may kahalong kidlat ang nakita ni Bobby. Nakakasilaw na liwanag. Mula sa liwanag naaninag ni Bobby ang isang babae. Lumulutang ito sa hangin. Napakaganda nito. Ginintuan ang buhok at napakinis at napakaputi.

Papalapit ng papalapit sa kanya.

“Paris Hilton?” Tanong ni Bobby.
“Gagang Toh?! Anong Paris Hilton! Mas maganda ko don noh!” Ani ng babae
“Sino ka?”
“Ako si Bella! BELLA STAR! Ang Diyosa ng matataba! Tsedeng!!” Sigaw ni Bella
Nakatunganga parin si Bobby, hindi makapaniwala sa kanyang nakita.
“Alam ko Bobby na busilak ang iyong kalooban. At nandito ako para bigyan ka ng pangalawang buhay. Eto tanggapin mo” Inabot ni Bella ang kumikinang na bagay.
“SAGING?” Bulalas ni Bobby
“Di lang basta saging, nasa kamay mo. Yan ang AMBROSIA! Ang pagkain ng mga Diyosa!” Pagmamalaking sabi ni Bella
“Sinumang nilalang na nabubuhay na kumain ng Ambrosia ay magiging Diyosa na katulad ko.”
“Wow! Magiging kasing seksi mo rin ba ko? Ta sung buhok ko magiging kulay mais din?” Tuwang tuwa na bigkas ni Bobby
“Hep! Hep! Ang sabi ko nabubuhay. Buhay ka ba? Patay ka na Bobby. Pero mabubuhay ka muli at magkakaroon ka ng kakaibang kapangyarihan. Magiging tagapagtanggol ka ng sanlibutan!” Ani Bella
“Talaga! Winner to Mother! I Lab you! Wag ka mag-alala di kita bibiguin!” Wika ni Bobby
“Ano pah hinihintay mo Baklah! Lafang na!” Pautos na sabi ni Bella
Dali dalian sinubo ni Bobby ang saging na ginto. Syempre binalatan niya muna.
Paghuling kagat ni Bobby at lunok biglang nag-ilaw ang kanyang buong katawan. Umangat siya sa hangin. Nagpaikot ikot d2. At isang nakakasilaw na liwanag ang lumabas.

Biglang nagising si Bobby. Hingal na hingal. Gulat na gulat ang mga doctor dahil nabuhay si Bobby.

Itutuloy ...